(१) दाना पदार्थ बिक्री
वितरण गर्न चाहने व्यक्तिले पाँच रुपैयाँ दस्तूर तिरी सम्बन्धित गाउँ विकास
समिति वा नगरपालिकाबाट अनुसूची–७ बमोजिमको अनुज्ञापत्र लिनु पर्नेछ र
त्यस्तो अनुज्ञापत्र स्थानीय अधिकारी वा निजले तोकेको कर्मचारी वा दाना
जाँचकीले खोजेको बखत देखाउन सक्ने गरी विक्री स्थलमै राख्नु पर्नेछ ।
(२) यो नियमावली प्रारम्भ हुँदाका बखत दाना पदार्थको व्यवसायमा
लागेका व्यक्तिले पनि यो नियमावली प्रारम्भ भएको मितिले ३ महिनाभित्र
उपनियम (१) बमोजिम सम्बन्धित गाउँ विकास समिति वा नगरपालिकाबाट
अनुज्ञापत्र लिनु पर्नेछ ।
(३) उपनियम (१) र (२) बमोजिम दाना पदार्थको वितरण गर्नको
लागि अनुज्ञापत्र दिएपछि सम्बन्धित गाउँ विकास समिति वा नगरपालिकाले
त्यसको जानकारी केन्द्रीय खाद्य अनुसन्धानशालालाई दिनु पर्नेछ ।